„დოიჩეს დიაგნოსტიკუმსა“ და თბილისის სახელმწიფო უნივერსიტეტს შორის თანამშრომლობის მემორანდუმი გაფორმდა, რაც მსოფლიოს უახლესი სამედიცინო მიღწევის - ციფრული მედიცინის, საქართველოში განვითარების მიმართულებით აქტიურ თანამშრომლობას გულისხმობს.
მემორანდუმი ხელმისაწვდომს გახდის უცხოეთში მყოფი ქართველი ექიმების და მეცნიერების საქართველოს საუნივერსიტეტო საგანმანათლებლო პროცესებში ჩართვას, უცხოელ სპეციალისტებთან და მეცნიერ-თანამშრომლებთან ერთობლივი პროექტების განხორციელებას.
